Liga e Kampioneve, Grupi F, Man. United, Benfica, Celtic, Kopenhagen

[Franci]

Ketu mund te flisni per ndeshjet e Grupit F te Champions

GRUPI F

Ndeshjet e fundit

Benfica – Celtic 3:0
Kopenhagen - Man. United 1:0

Renditja:
Man Utd 9
Celtic 6
Benfica 4
Kopenhagen 4

Ndeshjet e radhes:

Benfica – Kopenhagen
Celtic – Man Utd

[Franci]

Kryesuesit e kampionatit skocez do të ndeshen me liderët e Premier Ligës në derbin e Britanisë së Madhe 21-11-2006

Sëlltik-Mançester, sfida e pasionit

Driten Vishe


SELLTIK - MANÇESTER JUNAJTID (20:45)
- Sëlltiku nuk ka pësuar asnjë gol në pesë ndeshjet e fundit në shtëpi dhe në 11 nga 14 ndeshjet e fundit.
- Sëlltiku ka humbur vetëm një nga gjashtë ndeshje kundër skuadrave angleze, një humbje 1-2 ndaj Notingem Forestit në Kupën UEFA, në vitin 1983 84.
- Mançesteri ka fituar në dy vizitat e fundit në Skoci, një fitore 1-0 ndaj Rejnxhërsit para tri vitesh dhe një fitore 3 2 kundër Dandi Junajtid në sezonin 1984 85.
- Mançesteri nuk ka shënuar në gjashtë nga tetë sfidat e fundit jashtë fushës.
Gjyqtar: Manuel Mejuto Gonzales (Spain)



Nga të gjitha ndeshjet e Ligës së Kampioneve të kësaj jave, asnjë tjetër nuk do të ketë pasionin e përballjes mes Sëlltikut dhe Mançesterit. Dy klube me tifozëri tepër fantastike, me formë të shkëlqyer dhe me trajnerë skocezë. Sëlltiku, i cili ka arritur 11 fitore radhazi në Ligën skoceze, duke përfshirë edhe fitoren 3-0 ndaj Invernes Kejli Thistëllit në fundjavë, është vetëm tri pikë poshtë Mançesterit dhe mund të ketë shansin më të mirë për t'u kualifikuar në raundin tjetër për herë të parë. Duke lënë mënjanë mosmarrëveshjet mes trajnerit të Sëlltikut, Strakhan, dhe trajnerit të Mançesterit, Sër Aleks Ferguson, të dy do të jenë në gjendje të dëshpëruar për të arritur fitoren ditën e sotme. Strakhani, i cili luajti nën urdhrat e Fergusonit tek Aberdini dhe pastaj në "Old Traford", është i vetëdijshëm se puna e tij do të gjykohet në bazë të asaj që do të arrijë në Europë, sado dominante të jetë skuadra e tij në kampionatin vendës. Fergusoni, i irrituar në Gllasgou dhe një nga trajnerët më të mirë në botë, e di fare mirë rëndësinë e kësaj sfide. "Duhet të tregojmë kurajë dhe të jemi të fortë moralisht. Vetëm kështu mund t'ia dalim mbanë ndaj Sëlltikut, - tha Fergusoni, i cili mendon se skuadra e tij mund t'ia dalë mbanë deri në fund. - Pres të jetë një ndeshje e hapur dhe me futboll sulmues, ashtu si ajo ndeshje ku fituam 3-2 në muajin shtator". Të dy trajnerët kanë qenë kritikë ndaj njëri-tjetrit në autobiografitë respektive. Strakhani, duke dalë kundër stilit drejtues të ish-trajnerit të tij, dhe Fergusoni duke e quajtur si një të pabesë. Ngacmimet kanë filluar të përgatiten, ku Fergusoni ka menduar të zhvillojë një konferencë para nisjes për në Skoci. "Dëshiroj të fitoj ndaj Sëlltikut, pasi mendoj se është e rëndësishme për ne që të fitojmë vendin e parë në grup, - tha Fergusoni. - Por do të dëshiroja që Sëlltiku të dilte në vend të dytë. Do të ishte një mrekulli për futbollin skocez".

[Franci]

Kopenhageni gjen Gronkjaerin ndaj Benfikës

Driten Vishe


BENFIKA - KOPENHAGEN (20:45)
- Benfika ka pësuar vetëm tre gola në shtatë ndeshjet e fundit në shtëpi për Ligën e Kampioneve.
- Benfika nuk ka humbur asnjëherë ndaj një skuadre daneze dhe ka fituar nëntë nga 11 takimet ndaj kundërshtarëve nordikë. Ata nuk kanë pësuar gol në pesë ndeshjet e fundit.
- Kopenhageni ka humbur të dyja ndeshjet jashtë fushe në debutimin e tij në Ligën e Kampioneve. Por më parë, ata nuk ishin mundur në nëntë ndeshje europiane jashtë fushës së tyre.
- Kopenhageni nuk ka pësuar gol në tri nga pesë ndeshjet e fundit në Champions, duke përfshirë edhe një nga ndeshjet e raundit eliminator ndaj Ajaksit të Amsterdamit.
Gjyqtar: Roberto Roseti (Itali)


Mesfushori i Kopenhagenit, Jesper Gronkjaer, është rikuperuar në kohë për ndeshjen ndaj Benfikës, por kampionët e Danimarkës do të kenë mungesën e dy lojtarëve të formacionit bazë. Lojtari i përfaqësueses daneze u dëmtua në ndeshjen e parë të grupit, ndaj Benfikës, në Kopenhagen. Në atë kohë, klubi u frikësua nëse ai do të kishte nevojë për një operacion, i cili do ta linte jashtë për të gjithë fazën e grupit. Gronkjaeri ka luajtur për 90 minuta ndaj Midtjylandit në Ligën daneze. Megjithatë, Kopenhageni ka udhëtuar në Lisbonë pa mbrojtësin e majtë norvegjez, Andre Bergdolmo, dhe pa mesfushorin ganez, Razak Pingpong. Kopenhageni dhe Benfika janë në të njëjtën kuotë pikësh. Ata kanë grumbulluar katër pikë nga katër ndeshje.

[Titi]

Ndoqa Celtic vs Man United 1-0.
Pjesa e pare e dominuar totalisht nga anglezet me raste te shumta per shenim por finalizime te dobeta.
Pjesa e dyte po e njejte dominon Man U , Mbrohet Celtic , deri ne min e 80 kur jepet nje faull i dyshimte ose te themi qe nuk ishte faull fare , gjuan Nakamura dhe shenon nje gol te mrekullueshem mu ne trekendeshin e portes se mbrojtur nga van de sar.
2 min para perfundimit , goditje e lire per United , gjuan C.ronaldo , topi preket me dore nga nje lojtar ne mur , dhe arbitri akordon penallti , gjuan Saha , pritje e shkelqyer e portjerit polak , si perfundim nje fitore e merituar e Celtikun , vetem nga shpirti luftarak qe dhane ne fushe.

Celtiku siguron kualifikimin , ndersa Man united rrezikon ne ndeshjen e fundit ku do te presi benfiken , ndersa skocezet udhetojne ne danimarke perballe kopenhagenit.

[Franci]

Grupi F
Sëlltiku mund Mançesterin
- Mesfushori japonez, Shunsuke Nakamura, u ka dhuruar skocezëve të Sëlltikut fitoren ndaj rivalëve britanikë të Mançester Junajtid vetëm shtatë minuta nga përfundimi i takimit. Japonezi i ka siguruar Sëlltikut kualifikimin në raundin tjetër. Mançesteri ka humbur mundësinë më të mirë për të barazuar, kur portieri Artur Boruc priti penalltinë e goditur nga Luis Saha në minutën e 89-të. Mançesteri dominoi me lojë në pjesën e parë të "derbit britanik", por nuk arriti të krijojë raste të pastra, ndërkohë që skocezët janë përmirësuar pas pjesës së dytë. Sëlltiku ka grumbulluar nëntë pikë nga pesë ndeshje dhe ka siguruar një vend mes 16 më të mirave të Europës. Benfika gjendet në vend të tretë me shtatë pikë, pasi ka mundur Kopenhagenin me rezultatin 3-1.
Benfika, fitorja e shpresës
- Sulmuesi italian, Mikoli, shënoi dy herë duke i dhënë Benfikës fitoren 3-1 ndaj Kopenhagenit, e cila ua shton shanset e portugezëve për të vazhduar më tej në Ligën e Kampioneve. Benfika e dominoi ndeshjen që në fillim dhe kaloi në avantazh me mbrojtësin brazilian Leo, pas vetëm 14 minutash lojë. Dy minuta më vonë, Mikoli shënoi nga jashtë zone golin që mbylli llogaritë, pas një kombinimi me Nuno Gomeshin. Mikoli shënoi golin e tretë në të 37-ën. Ndërsa goli i ngushëllimit për miqtë nga Danimarka erdhi me Markus Allbak, një minutë nga fundi. Për t'u kualifikuar, Benfika duhet të fitojë ndaj Mançesterit në ndeshjen e fundit në "Old Traford".

[Franci]

MANÇESTER U - BENFIKA (20:45)

- Mançesteri ka dështuar të shënojë në nëntë nga 14 ndeshjet e fundit të Ligës së Kampioneve dhe ka humbur shtatë prej tyre.
- Mançester Junajtid, i cili ka humbur vetëm një në 29 ndeshjet e fundit në Ligën e Kampioneve, ka fituar gjashtë dhe ka barazuar vetëm një sfidë në shtatë të fundit ndaj kundërshtarëve portugezë në "Old Traford".
- Nëse Benfika do të humbasë, kjo do të ishte humbja e tyre e 50- të në Ligën e Kampioneve nga 171 takime të luajtura.
- Benfika, e cila ka fituar vetëm një nga nëntë ndeshjet e fundit jashtë fushe, ka fituar në dy nga tre sfidat e fundit në Angli, duke mundur Liverpulin 2-0 sezonin e kaluar dhe Arsenalin 3-1 në sezonin 1991-92.


"Djajve", të cilët vjet janë eliminuar pikërisht nga portugezët,u mjafton barazimi, sot në "Old Traford"

Mançesteri, para "makthit" Benfika

Benfika mund të eleminojë Mançester Junajtid nga Liga e Kampioneve për sezonin e dytë rradhazi nëse do të arrijë fitoren në "Old Traford". "Eshtë një finale, - tha trajneri i Benfikës, Fernando Santos. - Duhet të besojmë që mund t'ia arrijmë objektivit tonë. Na duhet vetëm pakëz fat". Mançesteri ka grumbulluar nëntë pikë dhe Benfika shtatë para ndeshjes së sotme. "Djajtë e kuq" kanë nevojë vetwm pwr një barazim, në mënyrë që të kalojnë në raundin tjetër, ndërkohë që portugezëve u duhet medoemos fitorja për të kaluar në raundin tjetër. Skuadra e Aleks Fergusonit e ka lënë fatin evropian për ndeshjen e fundit pasi arriti të fitojë vetëm në tre ndeshjet e para të grupit. "Do të jetë një ndeshje tepër e rëndësishme për ne, - tha sulmuesi i Mançesterit Uejn Runi. - Çdokush në skuadër e kupton se sa e rëndësishme është kjo ndeshje për klubin". Fitorja e portugezëve në ndeshjen e fundit të grupit të sezonit të kaluar i eleminoi "djajtë e kuq" për herë të parë në dhjetë vite që në fazën e grupit. Mbrojtësi i Junajtid Rio, Ferdinand, është i determinuar për të fituar dhe mendon se kjo situatë nuk do të përsëritet më. "Situata në kampin tonë nuk është aspak nervoze, - tha ai. - Kjo skuadër nuk e humbet toruan. Në ndeshjet e mëdha, në të cilat njerëzit nuk janë të bindur plotësisht se ne nuk do të arrijmë sukses, ne arrijmë të fitojmë. Kjo është një mundësi e mirë për të treguar këto aftësi". Sezonin e kaluar, Benfika eleminoi Liverpulin dhe më pas u eleminua në çerekfinale nga Barcelona. Madje Junajtid nuk arriti të sigurojë një vend në Kupën UEFA pasi përfundoi në vend të fundit në grup. Mendohet që Benfika do ta nisë ndeshjen me të njëjtën skuadër me të cilën fitoi ndaj Sportingut në javën e kaluar me rezultatin 2-0. Ndeshja ndaj rivalëve të të njëjtit qytet ka qenë ndeshja më e mirë e zhvilluar nga Benfika në këtë sezon. Qendërmbrojtësi brazilian Luisao dhe sulmuesi italian Fabricio Mikoli janë rikthyer nga dëmtimi për atë ndeshje, ndërkohë që edhe Nuno Gomes së bashku me mesfushorin Konstantinos Katsuranis do të jenë të gatshëm për trajnerin e portugezëve.
Driten VISHA

[Franci]

KOPENHAGEN - SELLTIK (20:45)

- Kopenhageni nuk ka pësuar asnjë gol në katër nga gjashtë ndeshjet e fundit evropiane të luajtura në" shtëpi".
- Kopenhageni ka fituar vetëm një herë ndaj një skuadre skoceze dhe kjo ka ndodhur tre sezone më parë kur Rajxhërsi fitonte 1-2 në raundin e tretë kualifikues të Ligës së Kampioneve.
- Selltiku nuk ka fituar asnjë nga 12 ndeshjet e fundit jashtë fushe, duke humbur 10 prej tyre.
- Selltiku ka fituar tre ndeshjet e fundit ndaj klubeve daneze.


Skocezi i vitit" mungon në Kopehgahen

Selltiku ka udhëtuar drejt Kopenhagenit për ndeshjen e fundit të grupit të Ligës së Kampioneve pa të dëmtuarin Shon Maloni. "Lojtari skocez i vitit" nuk ka luajtur në fitoren e së shtunës ndaj Aberdenit me rezultatin e ngushtë 1-0. Mesfushori holandez Evander Sno do të mungojë por gjithsesi ai ka udhëtuar së bashku me skuadrën drejt Danimarkës për sfidën e fundit të grupit. Patrioti i tij Jan Venegor of Heselink ska mbetur në shtëpi për shkak të një dëmtimi, ndërsa mbrojtësi Geri Kalduell nuk do të luajë për shkak të problemeve në gju. Skocezët gjenden në krye të grupit F me nëntë pikë, por kanë siguruar një vend në 16 më të mirat e Evropës për shkak të avantazhit në wprballjet direkte me Mançester Junajtid. Mançesterit i duhet një pikë ndaj Benfikës për tu bashkuar me kryesuesit e Selltikut në raundin tjetër. Skuadra e Gordon Strakhanit do të ndeshet me Kopenhagenin duke ditur që nëse do të arrijnë rezultatin që do të arrijë Mançesteri, ata do të zinin vendin e parë në grup.