Futbollistët e huaj, të dobishëm apo të dëmshëm?

[Romeo]

Futbollistët e huaj, të dobishëm apo të dëmshëm?


Kamerunasi Alain Richard Nkoulou (2) dhe nigeriani Djibril Sissokho (1) shënuan tre golat në fitoren e bujshme të Flamurtarit ndaj kryesuesve të kampionatit, Tiranës, duke dëshmuar edhe një herë se lojtarët e huaj të kampionatit shqiptar japin një kontribut jo të vogël për ekipet ku ata aktivizohen. Pothuajse çdo ekip të Kategorisë Superiore ka në gjirin e vet futbollistë të huaj: afrikanë, amerikano-jugorë, ballkanas, europianë, etj. Kontributi që japin ata shpeshherë ka qenë efikas në rezultatet e skuadrave për të cilat luajnë, por jo pak herë janë etiketuar nga ekspertët si të padobishëm për futbollin shqiptar, madje janë konsideruar si një faktor frenues i talenteve të reja shqiptare.

47 LOJTARË TË HUAJ

Në 12 ekipet që ka Kategoria Superiore gjen nga një “fytyrë” të huaji, që në total përbëjnë 47 lojtarë të huaj.
BESA mban rekordin përsa u përket lojtarëve të huaj: janë 13 të tillë të regjistruar në Sektorin e Garave në Federatën Shqiptare të Futbollit. Shqiptarë nga Kosova janë “përzier” me kamerunas, nigerianë, haitianë, të blerë nga presidenti N. Bizhdili. Vetëm dy prej tyre janë treguar “prodhues” goli.
Kampioni i vendit, ELBASANI, ka në gjirin e tij pesë futbollistë me pasaportë joshqiptare: dy nigerianët Akamba Hyacinth Mengva dhe Anicet Eyenga, ganezin e njohur në ambientet sportive Abdullah Ishaka Salihu dhe kosovarët Liridon Leci dhe Premton Muja.
Edhe APOLONIA e një presidenti “fanatik” si Koço Kokëdhima ka tre lojtarë të huaj në gjirin e vet dhe të tre nga Brazili: Gerardo Do Carmo Zhunor (Zherardinjo), Rosha dhe Da Cista Silva.
Te PARTIZANI i Albert Xhanit, presidentit më të dashuruar pas të huajve, numri i të huajve është reduktuar në maksimum. Vetëm tre të tillë dhe të tre nga Brazili: Alan Kardek De Souza, Leandro Gil Miranda Da Silva dhe Jurandir Oliveira. Përjashtim nga rekrutimi i lojtarëve të huaj nuk bën as rekordmenia e titujve kampionë, TIRANA. Bardheblutë kanë në shërbimin e tyre tre lotjarë të huaj: kamerunasin Abade Narcise Fish, nigerianin Abraham Alechenvu dhe bolivanin Diomedes Penja. KASTRIOTI i presidentit Shkëlzen Ylli ka në gjirin e vet tre lojtarë, ku dy prej tyre kanë regjistruar emrin në listën e golashënuesve. Zimbabviani January Ziambo, nigerianët James Osusi dhe Gabriel Auia, formojnë treshen e “muskutierëve” të skuadrës krutane.
FLAMURTARI, i porsangjitur në Kategorinë Superiore, ka në përbërjen e tij pesë lojtarë të huaj: kongolezët Richard Bokatola Lossombo dhe Sasa Delain, kamerunasit Alain Richard Nkoulou dhe Roger Pandong, si dhe nigerianin Djibril Sissokho.
DINAMO ka në gjirin e saj katër lojtarë të huaj: dy senegalezë (El Hadji Goudjabi dhe Ablaye Papa Diop) dhe dy kroatë (Zoran Kastel dhe Goran Vinçetiç). LUFTËTARI i largët ka një lojtar të huaj në gjirin e vet, Simo, një futbollist problematik dhe i njohur në median shqiptare për kartonin e kuq të marrë pasi goditi me kokë shokun e tij të ekipit në ndeshjen Teuta-Luftëtari (1-1).
SHKUMBINI i Peqinit ka një lojtar të “vockël”, por me emër shumë të gjatë: Abdurraman Muhammedou. Edhe TEUTA ka në gjirin e vet futbollistin nga Bosnjë-Hercegovina, Idrizoviç.

Box:
20 GOLA TË SHËNUAR

Njëzet gola nga 151 golat e shënuar, në 60 ndeshjet e luajtura në dhjetë javët e para të kampionatit, mbajnë firmat e tyre. Në javën e parë të kampionatit, tre nga 21 golat e shënuar kishin për autorë lojtarë të huaj: zimbabvianin January Ziambo (Kastrioti), kamerunasin Piko Malek Binogol (Besa) dhe brazilianin Alan Kardek De Souza (Partizani). Në javën e dytë ishte nigeriani James Osusi (Kastrioti) që shënoi një nga dhjetë golat në ndeshjen Tirana-Kastrioti (7-3). Tre prej 17 golave në javën e tretë mbajnë firmat e dy lojtarëve të huaj: malazezit Drazen Milic (Vllaznia) që shënoi kundër Tiranës (1-1) dhe dy gola të El Hadji Goudjabi (Dinamo) që realizoi kundër Besës. Gol për Dinamon ka shënuar një tjetër i huaj, senegalezi Ablaye Papa Diop, autori i golit të fitores në ndeshjen Dinamo-Shkumbini (2-1). Duke vazhduar me statistikat e golave të shënuar nga të huajt, lista vazhdon e rritet ashtu si dhe kombësia e autorëve të tyre: braziliani Leandro Gil Miranda Da Silva (Partizani), kongolezi Sasa Delain (Flamurtari), kroati Zoran Kastel (Dinamo, autogol), nigeriani Anicet Eyanga (Elbasani) apo kamerunasi François Herbert Endene Elokan (Besa).

Box:

LOJTARËT E HUAJ NË EKIPE:

Besa: 13
Flamurtari: 5
Elbasani: 5
Vllaznia: 5
Dinamo: 4
Partizani: 3
Tirana: 3
Kastrioti: 3
Apolonia: 3
Luftëtari: 1
Shkumbini: 1
Teuta: 1
TOTALI: 47 lojtarë


Golat e shënuar nga futbollistët e huaj

JAVA 1: 3 GOLA
January Ziambo, Piko Malek Binogol, Alan Kardek De Souza
JAVA 2: 1 GOL
James Osusi
JAVA 3: 3 GOLA
Drazen Milic, El Hadji Goudjabi (2)
JAVA 5: 1 GOL
Ablaye Papa Diop
JAVA 6: 2 GOLA, 1 AUTOGOL
Leandro Gil Miranda Da Silva, Sasa Delain, Zoran Kastel (autogol)
JAVA 7: 2 GOLA
Richard Bokatola Lossombo, Sasa Delain
JAVA 8: 4 GOLA
January Ziambo, Landro Gil Miranda Da Silva, Anicet Eyanga, François Herbert Endene Elokan
JAVA 10: 3 GOLA
Allain Richard Nkoulou (2), Djibril Sissokho
Totali: 20 gola

[Titi]

Mall skarco 80% e tyre , veçojme Abraham , Fish , Dickson , edhe tek tuk ndonje lojtar tjeter qe shkelqen 1 here ne 6 muj.
Ah po dhe ai Gudjabi dinamos me duket lojtar cilesor.

Lojtari me i mire i huaj ne shqiperi ka qene Edu nqf se e mbani mend , lojtar i lushnjes ne ate kohe.

[Romeo]

E maj men Edu'n po sme ka pas pelqy! :D


Ne Shqipri me duket se marrin lojtare rrugesh! Vetem se jane kombsi tjeter edhe oburra ti marrim se jan te huj! Te lejn mer cunat tone te lujn po fusin ca kot me kot.

[topkemba]

Kush ka na i formacion se si jane shpernda te hujet per sezonin e ri kete vit neper klube? M'duket se Tirona s'ka asnji te huj ene Partizoni, por s'jom shume i sigurte. Bujrum kush e di me saktesi t'na e QENESI ketu listen pak a shume sic ka bo romeo per sezonin e vjetshem.

[GOLDIAN]

per mua thuajse skane asnje vlere