Skela, "mish i huaj" te Askoli

[Franci]

Gazeta "Corriere Adriatico" kritikon paraqitjet e mesfushorit kuqezi

Skela, "mish i huaj" te Askoli

16Kështu e etiketonte gazeta lokale "Corrire Adriatico" prezantimin e deritanishëm të mesfushorit të kombëtares kuqezi me fanellën bardhezi të Askolit. Në analizën që i bëhej skuadrës së drejtuar nga Teser, ishte një paragraf, i cili e komentonte kështu paraqitjen e shqiptarit në këto javët e para të kampionatit: "Duhej të mbështeste Bjelanoviçin dhe nuk e ka bërë. Duhej të shkrinte në një pikë mesfushën edhe repartin e avancuar, mision i papërmbushur. Lojtari shqiptar duket se flet një gjuhë tjetër, nuk arrin ta interpretojë ndeshjen dhe është tërësisht një mish i huaj. Teser e së bashku me të edhe shoqëria, prisnin shumë më tepër nga ai. A do të kenë më një shans për të në dy ndeshjet shtëpiake me skuadrat toskane?"- e mbyll kometin për Ervin Skelën gazeta italiane duke iu referuar dy sfidave ndaj Empolit edhe Fiorentinës. Pozicioni i Skelës tek Askoli nuk është aspak komod parë edhe zëvendësimet apo nisjet e ndeshjes nga stoli dhe gazeta lokale aludon për një "pendim" të drejtuesve të Askolit për marrjen e shërbimeve të fantazistit të kombëtares shqiptare. Gjithsesi, parë notat pesimiste dhe agresive të komentit, Skela duhet patjetër të rifitojë besimin e drejtuesve bardhezinj, pasi "krisja" mes tij dhe pjesës tjetër të klubit është evidente

[Romeo]

Normale, nuk ka be asgje deri tani me Askolin. Un e kam ndjek pothujse cdo jave edhe atehere kur ka lujt nuk ka bere asgje fare, pothujse si hije ne fushe. Nese nuk jep ndonje shenje me siguri ska per te ec perpara. Askoli lufton te qendrojne ne serine A dhe nuk ka mundesi e kohe te presi Skelen kur ti teket me lujt. Duhet te perveshi menget edhe ti futet punes miku! ;)