Chelsea V Liverpool ( 1/2 Finale , Champions League )

[Titi]

Chelsea V Liverpool

Komentet tuaja mbi kte Gjysëm-Finale te shumë pritur?

[Titi]

Çelsi hedh një hap drejt finales së madhe

Xho Kol i garanton avantazhin minimal londinezëve për ndeshjen e kthimit të javës së ardhshme

Hoze Murinjo mund të thotë më në fund se ka mundur Rafael Benitez edhe në Ligën e Kampioneve, pasi Çelsi mundi Liverpulin me rezultatin 1-1. Në një ndeshje të luftuar, por pa shumë raste për t‘u shënuar, londinezët kanë qenë më konkretë dhe kanë fituar falë taktikave të zgjedhura nga tekniku portugez, duke hedhur hapin e parë drejt finales së Ligës së Kampioneve.

Blutë treguan që në minutat e para se kërkonin fitoren, duke rrezikuar disa herë portën e Reinas, me anë të Lampard dhe Shevçenko. Por, edhe Liverpuli duket i rreshtuar mirë në fushë dhe nuk lë shumë hapësirë në prapavijë. Skuadra e Benitez arrin të dalë nga gjysmëfusha e saj dhe fillon të ngacmojë me kundërzbritje të shpejta mbrojtjen e londinezëve. Por, në momentin më të mirë të tyre, Çelsi arrin të gjejë avantazhin në minutën e 29-të. Karavajo pason të Drogba, i cili shpërthen në krahun e djathtë dhe më pas futet në zonë. Sulmuesi i Bregut të Fildishtë arrin të kalojë Ager dhe të pasojë për Xho Kol, i cili dërgon topin pas krahëve të Reina. Liverpuli tashmë nuk ka çfarë të humbasë më dhe për këtë arsye hidhet i tëri në sulm, për të mos i lënë iniciativën londinezëve, të cilët janë instruktuar nga Murinjo që të mos bëjnë "aventura" të tepërta. Por kjo bën që të jetë Liverpuli në kontroll të ndeshjes në minutat e mbetura të pjesës së parë, ashtu si edhe në fillimin e pjesës së dytë. Porta e Çeh tashmë vizitohet më shpesh nga gjuajtjet e futbollistëve të Liverpulit që i afrohen golit. Xherard provon të majtën e tij nga jashtë zonës, por Çeh bën mrekullinë, duke shpëtuar portën e tij nga një gol thuajse i sigurt në minutën e 53-të. Liverpuli ka krejtësisht në kontroll lojën, por nuk arrin të çajë në qendër, pikërisht aty ku Çelsi ka përqendruar të gjitha forcat, aq sa edhe Drogba shihet shumë shpesh në ndihmë të mbrojtjes. Çelsi mendon vetëm për kundërsulmin dhe në një aksion të shpejtë ka mundësi të dyfishojë rezultatin në minutën e 81-të me anë të Lampard, me një gjuajtje fluturimthi, por Reina arrin të grushtojë, duke shpëtuar skuadrën e tij. Në minutat e fundit, është Çelsi që krijon më shumë volum loje, por pa arritur t‘i konkretizojë ato, ndaj ndeshja mbyllet me fitoren minimale 1-0 të londinezëve.