Shitet "Sport 5", shiten sërish kuqezinjtë

[Franci]

Ndërrohet pronari i të drejtave televizive të kombëtares së Shqipërisë në futboll

Shitet "Sport 5", shiten sërish kuqezinjtë

Kompania "Sport 5", e cila menaxhon punët dhe të drejtat televizive të ndeshjeve të kombëtares së Shqipërisë në futboll, i është shitur kompanisë franceze "Lagardère SCA". Media grupi nga Franca ka blerë kompaninë për 865 milionë euro. "Sport 5" ka qenë kompani aksionare me pronarë "RTL Group", "Advent International" dhe "Goldman Sachs Group". Agjencia mban të drejtat televizive të disa prej ngjarjeve më kryesore në botë, ndër to edhe të drejtat e transmetimit të kampionatit evropian të futbollit, Euro 2008, që do të zhvillohet në Zvicër dhe Austri. Arnaud Lagardère, që është shef ekzekutiv i "Lagardère SCA", po ashtu zotëron 20 % të aksioneve të "Canal Plus". Lagardère është i vendosur të zgjerojë operacionet televizive, ato të mediave të shtypura, audio?vizuale dhe digjitale. Stafi i tij kreativ pritet të sjellë risi në tregun botëror mediatik.
Të drejtat televizive janë të ardhurat kryesore të kombëtares shqiptare të futbollit. "Sport 5" kishte blerë të drejtat televizive të kombëtares së Shqipërisë, deri në fund të edicionit të eliminatoreve të Euro 2008-s. Përveç kuqezinjve, "Sport 5" zotëron të drejtat televizive edhe të 36 federatave të tjera europiane të futbollit nga 52 gjithsej sa janë.
"Nuk pres që kjo të ndryshojë diçka në kontratën tonë, që e kemi me "Sport 5", pasi është ndërruar vetëm pronësia. Pronarin e ri e njohim dhe presim që me ardhjen e kohës së duhur, të negociojmë përsëri edhe për kontratën e re,"- thotë presidenti i Federatës Shqiptare të Futbollit, Armand Duka, i pyetur rreth kësaj ngjarjeje.
Driton Latifi

[Romeo]

Nuk ndryshon asgje per kombtaren tone. Thjesht ndryshojne pronaret. Kontrata nuk ndryshon ne keto raste.