KF Tomori, ekipi i traditave

[Franci]

Pas fitores me Adën, beratasit kërkojnë të ruajnë statukuonë e fitoreve edhe në transfertë &nbsp16-11-2006
Muzhai: Tomori është duke u rritur në lojë
Rushan Dosti


Pas shumë javësh torturë psikologjike për futbollistët dhe komunitetin futbolldashës në Berat, skuadra e tyre, e ndodhur në një gjendje kritike, ka mundur të realizojë një fitore spektakolare ndaj Adës së Velipojës, duke dhënë shënja shprese për një ndryshim total. Madje, sipas të gjitha opinioneve të mbledhura pas këtij takimi, Tomori në këtë ndeshje ka treguar se është një skuadër që meriton më shumë dhe se aksidentalisht ndodhet në atë pozicion ku është sot. Beratasit nuk është se fituan tri pikë që u shërbejnë shumë, por ata zhvilluan një lojë plot spektakël dhe surpriza, që gjithsesi janë më të rëndësishme se vetë rezultati. Për Madrid Muzhain, ndihmësin e trajnerit tiranas Ylli Shehu, takimi me Adën ka qenë një nga më të mirët që Tomori ka zhvilluar në këto dhjetë javë të kampionatit. "Nuk bëhet fjalë se fituam një ndeshje, që gjithsesi duhej fituar, por skuadra tregoi vlera të qenësishme në lojën e saj, duke demonstruar spektakël dhe harmoni në të gjitha veprimet e reparteve. Loja që zhvilluam shërbeu edhe për një urë të re respekti midis skuadrës dhe tifozërisë, që këtë herë besoi me sytë e saj se ky ekip është gjithmonë e në rritje," deklaron ndihmëstrajneri i Tomorit, ish portieri i shquar i Tomorit dhe i Dinamos, Madrid Muzhai. Sipas tij, skemat që po aplikohen tashmë po konkretizohen dhe nuk do të jetë e largët dita kur Tomori do të shfaqet me tiparet e një skuadre profesioniste. "Askujt të mos i shkojë në mendje se Tomori do të heqë dorë nga superliga apo aq më keq që do të zbresë një kategori më poshtë. Kjo për faktin se skuadra aktualisht ndodhet në formën e saj më të mirë dhe se nga ndeshja në ndeshje po tregon vlera të reja. Po punojmë që në takimin e radhës në stadiumin e Korçës, përballë Skënderbeut kryesues, të shfaqemi si të barabartë. Kjo edhe për faktin që stadiumi i Korçës është nga ato stadiume, ku nuk njihet kurrë fjala "trazirë". Tradicionalisht, Tomori dhe Skënderbeu kanë zhvilluar takime korrekte si në Berat, ashtu edhe në Korçë, dhe nuk kanë përse ta prishin këtë traditë këtë herë," përfundoi numri dy i Tomorit, Madrid Muzhai.

[Franci]

Këshilli bashkiak shprehet për prishjen e shoqërisë tregtare të sponsorizuar nga Edmond Malollari 15-12-2006

Bashkia: Të prishet kontrata me sh.a. "Malollari"

Rushan Dosti


Bashkia e Beratit, që është aksionare në shoqërinë tregtare F.K. "Tomori" dhe që zotëron 26 % të aksioneve të kësaj shoqërie, ka kërkuar zyrtarisht prishjen e kontratës. Ka shumë arsye që kjo shoqëri nuk duhet të funksionojë, por më kryesorja qëndron në faktin se prej gati një viti nuk ka një drejtor, i cili të përfaqësojë shoqërinë pas vdekjes së Edmond Malollarit. Sipas relacionit të këshillit bashkiak, me mbylljen e vitit financiar, nuk është bërë asnjë inventar, që mund të justifikojë llogaritë vjetore në përputhje me dispozitat e legjislacionit në fuqi për kontabilitetin, si dhe të hartojë një raport me shkrim për administrimin. Sipas raportit që do t'i paraqitet këshillit bashkiak, mësohet se kjo shoqëri nuk ka pasur një këshill mbikëqyrës funksional dhe se vetë shoqëria nuk ka kryer asnjë nga detyrat e përcaktuara në statusin e saj. Këshilli bashkiak vëren se asambleja e zakonshme nuk është mbledhur asnjëherë, pra asnjë nga organet e kësaj shoqërie nuk ka funksionuar dhe nuk ka kryer asnjë detyrë të përcaktuar në status dhe në ligj, duke e shndërruar këtë shoqëri në një shoqëri fiktive. Gjithmonë sipas relacionit të paraqitur në këshillin bashkiak, eksperti kontabël i caktuar në nenin 54 të statutit nuk ka kryer asnjë nga detyrat e caktuara në ligj, nuk ka bërë verifikime të librave të llogarisë dhe fondeve të shoqërisë, si dhe përshtatjen e kontabilitetit të saj me legjislacionin në fuqi. Deri më sot, që shoqëria pretendon pronësinë mbi futbollin beratas, nuk është paraqitur asnjë raport mbi kryerjen e detyrave të përcaktuara. Këshilli bashkiak gjithashtu vëren se shoqëria F.K. "Tomori" sh. a., nuk ka ekspert kontabël që prej datës 1 janar 2006, datë në të cilën ka përfunduar dhe viti financiar 2005. Relacioni mbyllet me konkluzionin që asnjë nga aksionarët nuk e ka shlyer vlerën e mbetur të aksioneve, kur dihet që afati i shlyerjes së tyre ka qenë data 30 prill 2005. Në këto kushte, Bashkia e Beratit, në përputhje me ligjin 7638, dt. 19.11.1992 "Për shoqëritë tregtare", kërkon prishjen e kontratës me sh.a. "Malollari". Në zbatim të këtij realacioni pritet që në bazë të një vendimi të bashkisë, së shpejti të deklarohet prishja e shoqërisë tregtare F.K. "Tomori" sh.a. me ortak të ndjerin Edmond Malollari. Argumentet e bshkisë për këtë akt janë: Prishjen me likuidim të F.K. "Tomori" sh.a. me aksionar Edmond Malollari dhe Bashkinë e Beratit, pasi deri më tani nuk është zbatuar asnjë nga nga kushtet ligjore të funksionimit të një shoqërie tregtare. Tashmë, me këtë vendim, hapet rruga ligjore për të funksionuar normalisht presidenca e re, që ka sponsorizuar Tomorin në fazën e parë, me president Ylli Kelin.

[Titi]

Uka, Bërzezi dhe një mbrojtës nigerian janë emrat më të rinj që shtohen në apelin e skuadrës beratase 28-01-2007

Përforcimet kthejnë te Tomori Milen dhe Arbrin

Rushan Dosti


Tema e ditës për skuadrën beratase të futbollit ka qenë ajo e përforcimeve me lojtarë elitarë, të domosdoshëm për kompeticionin futbollistik në vazhdim. Përveç lakimit të 3 brazilianëve, sportdashësit beratas kanë mbetur të kënaqur edhe me ardhjen e dy lojtarëve jo të panjohur për ta. Bëhet fjalë për tri përforcimet më të fundit për skuadrën e Tomorit, ku në apelin e trajnerëve të ardhshëm do të thërriten emrat e Bërzezit dhe Ukës, të cilët përfundimisht kanë vendosur të "falen" te skuadra e Tomorit. Që prej dy ditësh, të dy futbollistët e rreshtuar në listën e "jabanxhinjve" po stërviten së bashku me grupin, në pritje të prurjeve të tjera. Bërzezi, ish futbollist i skuadrës së Erzenit të Shijakut, prej kohësh ishte përfolur se do të ishte kontigjent i Tomorit, për vetë vlerat që ai mbart në krahun e majtë të mesfushës, ndërkohë që Uka ka qenë edhe në fazën e parë. Në merkaton e dimrit ai u kërkua nga ekipi i Skraparit. Futbollisti tjetër që ka ngrohur zemrat e sportdashësve vendës është një nigerian, i cili u aktivizua në takimin e kontrollit si thyes, duke bërë një figurë shumë të mirë. Mbas Bytyçit dhe portierit rumun, numri i "jabanxhinjve" që duan të kontribuojnë te skuadra beratase, arrin në 5, pa llogaritur këtu brazilianin Olivera dhe tre patriotët e tij, që pritet të vijnë te Tomori. Ajo që e ka çliruar nga ankthi publikun sportdashës beratas, ka qenë drejtimi i skuadrës nga dyshja Mile Arbri, që më në fund kanë marrë në duar "frenat" e skuadrës. Gjithsesi, sportdashësit beratas janë të gëzuar edhe nga fakti se ekipi e ka shpërfillur indiferencën, duke treguar vlera qytetarie në aspektin që futbolli nuk është pronë e askujt, përveçse pronë e qytetarëve. Kjo vërtetohet me koshiencën që skuadra ka treguar në këto javë të vështira, duke mos e bojkotuar asnjë ditë fushën e stërvitjes. Tashmë mund të thuhet pa frikë se Tomori ka nisur rrugën për të qenë protoganist në fazën e dytë të kampionatit, pa menduar se mund të jetë "viktimë" për të rënë nga kategoria.

[topkemba]

Me vje keq vertete per Tomorrin qe s'e shofim ne Superlige. Eshte ekip qe te pakten me e keqja shkon luan ne fushe te tyre pa frike se po te pellcet dajaku. Jane njerez te urte dhe e kane pas dashur dikur futbollin shume, por tani ka hy parja ne mes, edhe aha...

[topkemba]

Muzhaj: Tomori ka rritje, fati e ka ndëshkuar

Pas humbjes me Bilisht-Sportin, beratasit bëjnë llogaritë për dy fitore në shtëpi, me Adën dhe Skraparin

Skuadra beratase ka shënuar një tjetër humbje në transfertën e Bilishtit, ku është mundur 3-0. Në fakt, nuk pritej kjo humbje e thellë, por tashmë gjithçka ka ndodhur dhe për drejtuesit e ekipit, e vetmja rrugëdalje mbetet llogaritja e dy fitoreve në Berat, përkatësisht ato me Adën dhe Skraparin. Sipas këtyre llogarive, do të ishte "komode" për këtë ekip nëse në fund të fazës së parë do të grumbullonte 16 pikë, pasi në fazën e dytë mendohet të kemi një Tomor me një format dhe drejtim krejt tjetër. Beratasit ndëshkohen edhe nga kalendari, sepse ata do të luajnë në mesjavë me Elbasanin për kupë dhe më pas do të udhëtojnë për në Gjirokastër, ku do të luajnë me Luftëtarin vendës.

Për të gjitha këto impenjime flet ndihmëstrajneri i Tomorit, Madrid Muzhaj. Sipas tij, Tomori, edhe pse ka humbur, me Bilisht-Sportin ka zhvilluar një takim relativisht të mirë. "Nuk prisnim të humbisnim 3-0, pasi djemtë treguan rritje në lojën e tyre. E them me bindje se në pjesën e parë kemi qenë të barabartë, madje në disa parametra edhe më lart se vendësit. Gjithsesi, në futboll janë të dyja anët e medaljes: luan mirë dhe humbet dhe luan keq e fiton. Në rastin konkret, humbja me Bilisht-Sportin më shumë ka qenë rastësi, ose një mungesë fati për ne.

Nëse do të na kishte ndihmuar fati në pjesën e parë për të shënuar një gol, rezultati do të ishte ndryshe," thotë Muzhaj, për të cilin ekipi duhet të tregojë më shumë karakter në ndeshjet e mbetura, veçanërisht në ato që do të luhen në Berat. Për takimin e radhës, që do të luhet në Gjirokastër, Muzhaj pohon se do të jetë një përballje e vështirë. "Në mesjavë luajmë me Elbasanin për kupë. Do të jetë si një takim kontrolli për ne, për faktin se objektivi ynë mbetet qëndrimi në kategorinë e parë. Pra, i vlerësojmë ndeshjet e kampionatit.

Luftëtari ka një skuadër, që në shtëpinë e saj "kuvendon" shtruar me kundërshtarin. Gjirokastritët kanë nevojë për fitore, pasi edhe ata kanë problemet e tyre. Në të njëjtën kohë, edhe ne do të shkojmë me objektivin për të marrë ndonjë pikë, gjë që me kujdes e përqendrim mund ta bëjmë. Dua të theksoj se Tomori ka rritje në nivelin e lojës.

Disa nga lojtarët "kyç" e kanë arritur formën e duhur sportive dhe ky fakt na gëzon. Problemi kryesor ka të bëjë me përgatitjen psikologjike. Siç duket, disa humbje rresht dhe renditja në zonën e ftohtë kanë dhënë efektet e tyre negative dhe e kanë tronditur disi moralin e ekipit," ka përfunduar një nga drejtuesit momentalë të Tomorit, Madrid Muzhaj.

http://www.sportishqiptar.com.al/tpllib/img.php?im=cat_126/1490.jpg&w=320&h=185