Formula 1, lajme komente etj

[Franci]

Piloti finlandez i Ferrarit tashmë ka filluar të thumbojë disi rivalët që do të ketë për sezonin 2007

Raikoneni: Masën e kam rival, Alonson jo

"Kundërshtari kryesor dhe më i fortë nuk do të jetë kampioni i botës, Fernando Alonso, por shoku im i skuadrës, Felipe Masa," ka thënë Kimi Raikonen në një intervistë për të përditshmen gjermane "Bild". Duket si një frazë që fton në një sfidë për sezonin e ardhshëm pilotin spanjoll dhe shokun e ri të skuadrës, Masa, i cili fitoi gjithashtu edhe garën e fundit të këtij sezoni, atë të Brazilit.
Rivalitet: Janë dy pilotë, të cilët do ta fillojnë sezonin e ri si të barabartë, por me synim titullin kampion. Për Ferrarin do të jetë një sezon krejtësisht i ndryshëm, pasi nuk do të jetë më Majkëll Shumaker. Ashtu si Masa, i cili e ka mbyllur mjaft mirë këtë vit të parë me "kokëkuqen", edhe Raikonen kërkon një sukses të padiskutueshëm në 2007 n. Ish skuderia e tij, McLaren, nuk është aspak e penduar që e ka lënë të lirë finlandezin, pasi në vend të tij kanë marrë kampionin e botës, Fernando Alonson.
E shkurara: Menjëherë sapo ka përfunduar ky sezon, finlandezi është munduar të ngacmojë rivalët e sezonit të ardhshëm. Për McLaren in ai ka thënë: "Që nga sezoni i ardhshëm, makinat Mercedes McLaren do t'i shoh vetëm nëpër pasqyra." Ndërsa nga ana tjetër, skuderia anglo gjermane ka pohuar se nuk ka qenë në lartësinë e duhur në këto sezonet e fundit. "Kanë qenë disa faktorë që kanë ndikuar, të cilat kanë sjellë këto rezultate për mua në 5 vite me McLaren in, pra vetëm 9 fitore. Megjithatë, mund të them se shpeshherë makina nuk ka qenë konstante."
Optimizmi: Ai duket se është shumë i sigurt, edhe pse skuderia e re është krejtësisht e ndryshme nga ajo e mëparshmja. Që në momentin kur zyrtarizoi kalimin te skuadra nga Maranelo, Raikoneni deklaroi: "Kisha kohë që mendoja për një kalim te Ferrari dhe jam i sigurt se kjo skuadër është shumë argëtuese. Jam i sigurt se do të kem mundësi të fitoj titullin kampion." Por kur është folur për paraardhësin e tij, i cili kishte fituar shtatë tituj kampionë, ai ka deklaruar se nuk i interesonte. "Me makinën dhe skuadrën e duhur mund të thyesh të gjitha rekordet. Mund të them se ato vende të para në statistika që mban Majkëlli, nuk janë të pathyeshme. Pa dyshim do të më pëlqente shumë të isha unë ai që i thyen ato rekorde. Ndoshta kjo kontratë që kam firmosur me Ferrarin, do të jetë e fundit, pasi nuk do të firmos me ndonjë skuderi tjetër.
Makina: Ai ka kërkuar edhe një ndihmesë nga Majkëlli, i cili për të ardhmen do të jetë asistenti i Zhan Todtit. "Do të tregohesha budalla nëse nuk do t'i kërkoja Majkëllit mbështetje dhe këshilla. Do të jetë me të vërtetë shumë mirë që të më ndihmojë ai në këtë vit të parë, ku unë do të mundohem të ambientohem sa më shpejt. Nëse ai do të bëjë testime për mua, kjo më duket një budallallëk," ka përfunduar Raikoneni.
Endi TUFA

[Franci]

Fillon "relaxi" i çmendur për Raikonenin
Pas festimeve që ka bërë skuderia McLaren Mercedes në Shtutgart, ku i është dhënë edhe lamtumira, Kimi Raikonen filloi pushimet e tij.
Të enjten e kaluar, i shoqëruar nga 5 miq, Kimi shëtiti disa bare në qytetin Oulu. Në fund ai shkoi në një "PUB" me një cigare kubaneze në duar, duke u thënë klientëve që e njihnin se ishte i vëllai i pilotit të ri të Ferrarit. Një ditë më pas, ai kaloi në një lokal tjetër "karakoke". Aty ai këndoi disa nga këngët e tij të preferuara, të cilat kryesisht ishin të zhanrit "rap" finlandez. Duke kaluar nga kënga në këngë, Kimit filloi t'i dridhej dhe zëri më pas, pasi edhe alkooli bënte të vetën. Për mediat vendëse, kjo ishte një ngjarje tashmë normale për Kimi Raikonenin. Ata shkruanin gjithashtu se pijet e preferuara të tij janë birra dhe vodka.

[Romeo]

Raikonen: Mezi po e pres Ferrarin!


"Dhe pse do te zevendesoj nje legjende si Shumakeri, une nuk ndiej kurrfare presioni, sepse e di se kam pas vetes nje skuader magjike"

Si pasues i Mikael Shumakerit tek Ferrari, Kimi Raikonen ka bere transferimin me te bujshem ne Formula 1 per sezonin e ri 2007, duke zene vendin e Mikael Shumakerit tek Ferrari. Raikonen, me pushime ne Zvicer, ruan formen e tij fizike dhe shpreson qe ta provoje sa me shpejt Ferrarin e ri. Finlandezi, ne nje interviste me nje gazete zvicerane, foli per skuadren e tij te re dhe per kampionatin qe do te startoje ne 18 marsin e ardhshem, me garen e Australise.

- Kimi Raikonen, tek Ferrari ju do te zini vendin e Mikael Shumakerit, i cili eshte nje legjende ne Formula 1. Si eshte raporti juaj me presionin ne skuader?

- Une nuk ndiej presion. Natyrisht, une e njoh pak Ferrarin, megjithate, asnjehere nuk i dihet se se cfare mund te ndodhe. Ne fund te fundit, une tek Ferrari nuk kam treguar ende asgje.

- Me transferimin tek Ferrari, a eshte realizuar nje nga endrrat tuaja me te medha?

- Epo si te thuash... mendoj se cdo pilot deshiron qe ne karrieren e tij te ndaloje ne stacionin e Ferrarit, ky nuk besoj se eshte ndonje sekret. Megjithate, kisha shume mundesi te tjera edhe sikur te mos isha transferuar tek Ferrari.

- Ne Formula 1 ju erdhet nepermjet Peter Sauberit, a keni ende kontakte me te?

- Takohemi ndonjehere neper gara, vetem kaq. Per me teper, ai banon shume larg prej ketej.

- Cfare prisni ju prej kolegut tuaj te ri, Felipe Mases? Dikur, edhe ai ka qene nje pilot i Sauber.

- Natyrisht, por une e njoh shume pak Felipen. Sa mund te mesosh per nje njeri qe e sheh vetem ne piste dhe nuk ke kontakte me te? Une tek Ferrari nuk kam kaluar ende asnje dite, keshtu qe nuk mund te flas me shume.

- Ju banoni ne Volerau, ndersa pilote te tjere te Formula 1, si Mikael Shumaker, Nik Haidfeld apo Fernando Alonso e kane nga nje shtepi ne Zvicer. Mendoni se kjo vjen per shkak te taksave te uleta?

- Jo vetem prej kesaj. Zvicra eshte nje vend i mrekullueshem qe ndodhet ne mes te Europes. Megjithate une ketu ndihem mire, me lene te qete.

- Kjo do te thote se ne Volerau ju mund t'ju gjejme edhe ne ndonje dyqan duke bere pazar?

- (qesh). Po, besoj se mua nuk me njohin te gjithe kur me shohin ne rruge.

- Cfare mendoni per rruget e Zvicres? 120 km/h per ju duhet te jete shpejtesia idelae per makinat normale, apo jo?

- Ne te vertete jo. Une e kam shume te qarte se ne trafikun rrugor pergjegjesia eshte shume e madhe.

- Kjo do te thote se ju nuk e dini se ku ndodhen aparatet e radareve neper rruge?

- Jo, vetem disa prej tyre.

- Sezoni i ardhshem fillon ne 18 mars ne Australi, po pushimet tuaja sa zgjasin?

- Deri ne diten e fillimit te sezonit, une do te perpiqem te jem ne forme. Vec kesaj, do te doja qe kete vit te kryeja nje ose dy prova me Ferrarin.

- Tek MekLareni, ne pese vite u shpallet vetem dy here nenkampion. Por, qe kur keni nenshkruar per Ferrarin, njerezit kane nisur qe tani te flasin per duelin Alonso-Raikonen per sezonin e ri. A do te arrini te fitoni titullin boteror qe kete sezon?

- Nuk e di. Tek MekLareni jam zhgenjyer disa here, megjithate, ne pese vitet e mia atje kam kujtime te mira. Sa per Ferrarin, dihet se eshte nje skuader e forte dhe shpresoj qe ne sezonin e ri te paraqitemi ne formen e duhur per te qene pretendentet kryesore per titullin boteror.

[Romeo]

Denis: Pershtatja? Fernando do t'ia dale!


29 Nentor Drejtori i skuadres se MekLaren Marcedes, Ron Denis ve bast qe Fernando do te pershtatet shume shpejt me skuadren e tij te re

Sipas rregullave, Fernando Alonsos nuk i lejohet te beje asnje prove me "shigjetat e argjendta" deri ne daten 1 janar, sepse kontrata e tij me Renone perfundon ne fund te vitit 2006. Por, ne te vertete, ai po perpiqet qe tani qe te mesohet me kushtet dhe ambjentet e "familjes" se re. Te pakten, Ron Denis, kreu i skuadres, nuk parashikon probleme me ambjentimin e spanjollit.

"Fernando eshte nje djale i vecante", tha britaniku gjate nje konference nepermjet telefonit. "Atij nuk i intereson asgje tjeter vecse te marre pjese neper gara, akoma me shume se kjo, atij i intreson te fitoje gara. Marredhenia jone nuk eshte ndertuar vetem ne baze te vullnetit per te fituar, por edhe tek menyra se si duam ne t'i arrijme fitoret. Kemi folur gjate me te dhe mendoj se marredhenia mes nesh ka arritur deri aty sa mund te themi se tashme ai eshte nje pjestar i mirefillte i familjes tone", tha Denis ne fjalen e tij.

MekLaren nuk do ta ndryshoje filozofine

Denis u shpreh gjithashtu se mes spanjollit "gjaknxehte" dhe MekLaren, skuadres qe eshte cilesuar si me "e terhequra" dhe me e "ftohta" ne Formula 1, nuk do te kete mosmarreveshje. "Une e di se ne ne shume raste ne na konsiderojne te menjanuar ose te shkujdesur, por jam i bindur se nuk ka asnje person brenda stafit tone te gjere qe ta kete kete mendim. Ne do te qendrojme ata qe jemi dhe do te bejme vetem punen tone", tha 59-vjecari.

Per me teper skuadra do te punoje per ta ndihmuar Alonson. Nje vit me pare, kur ai ishte tek Renoja, pati momente ne te cilat ai deklaronte se nuk kishte mbeshtetjen e duhur nga skuadra. Ndersa tek skuadra e tij e re, nese ai nuk gjen ndihme, mund te krijohet pershtypja se MekLaren do te mbaje me afer Ljuis Hamiltonin, sesa dyhere kampionin. Por, sipas Denis: "Per kete nuk e vras mendjen, dhe nuk besoj se Fernando mendon qe "foleja" e tij do te zbukurohet me shume se sa ajo e Hamiltonit. Ai eshte dy here kampion, si rrjedhoje ai do te marre besimin qe i takon. Nuk arrij ta imagjinoj se si ai mund te shqeteshet per faktin qe Hamilton ka me shume se nente vite qe ndodhet tek ne". Vete spanjolli, ne deklaratat e tij nuk ka folur ndonjehere per probleme te mundshme me skuadren e re, por shprehet entuziast per provat e para pas nje janarit te vitit te ri.

[Romeo]

Hakinen: Alonso, serish kampion!


29 Nentor Finlandezi, ish-pilot i Formula 1 beson se transferimi i Fernandos nga Renoja tek MekLaren do te shoqerohet me titullin e trete per spanjollin

Ish-piloti i MekLaren Mercedes dhe njekohesisht kampion i viteve 1998 dhe 1999, Mika Hakinen do te rikthehet kete jave ne qendren e ish-skuadres se tij, pasi aty ka te ngjare te ngarkohet me detyren e keshilltarit te skuadres. Si i tille, ne vitin 2007 ai do te kete mundesi te bashkepunoje edhe me Fernando Alonson.

Finlandezi eshte mese i sigurt se spanjolli do te vazhdoje te jete favorit per nje titull te trete radhazi, ndonese u largua nga skuadra me te cilen fitoi dy te paret. "Ai qe nenshkruan per MekLaren, nuk vepron asnjehere gabim", tha Hakinen per gazeten spanjolle "Marca". "Per mua ajo eshte skuadra me e mire ne bote. Skuadra nuk ekzaltohet nga fitoret, por qendron e fiksuar tek rezultatet me te larta. Ajo ka nje mbeshtetje shume te madhe financiare, burimet me te mira dhe materialin me te mire gjithashtu. Fernando kishte arsye te mira per transferimin e tij. Ta kete te qarte se nuk ka vepruar gabim", shtoi Hakinen per gazeten ne fjale. Megjithate, Alonso sheh nje ane negative, sepse ne ditet e sotme transferimi nga nje skuader ne nje tjeter eshte dicka teper komplekse. Shume piloteve i'u eshte dashur te kalojne nje periudhe te gjate deri sa te mesoheshin me skuadrat e reja. Keshtu, Huan Pablo Montoja ne vitin 2005 pati probleme te medha tek MekLaren Mercedes, probleme te cilat ai asnjehere nuk arriti t'i zgjidhte plotesisht. Edhe Rubens Barikelos i'u desh nje gjysme sezoni tek Honda per t'u paraqitur mire te pakten ne dy gara. Pra ky eshte presioni qe bie tek dy here kampioni ne fuqi. "Nuk e kam idene se si do ta reagoje ai ndaj kesaj situate. Une personalisht nuk ndieja asnjehere presion, edhe pse kisha fituar dy tituj. Natyrisht, une nuk e njoh aq mire Fernandon, por imazhi i tij i jashtem, ashtu sic e njohim te gjithe, tregon se ai do te jete favorit per titull edhe ne vitin 2007. Nuk e di nese do te jete me e veshtire apo jo per dike per t'u bere per te treten here kampion. Une vete jam shume krenar per dy titujt e mi, per te cilet m'u desh te luftoja shume. Mendoj se Alonso, pas dy titujve qe ka fituar, do te kerkoje edhe te tretin. Te gjitheve na shkon ne mendje se kampioni i sezonit te ri do te jete perseri ai dhe nese nuk i'a del mbane, do te zhgenjehemi. Por, eshte e veshtire te fitosh gjithmone", shtoi nder te tjera 38-vjecari, i cili shpreson ne trofeun e trete te Fernando Alonsos.

[Admin]

Raikonen, debutim triumfues

Në Çmimin e Madh të Australisë ngadhënjen edhe i riu Hamilton, me MekLaren


Një debutim thjesht perfekt. Kimi Raikonen ka dominuar Çmimin e Madh të Australisë, që ishte edhe prova e parë e Botërorit 2007. Finlandezi i Ferrarit ka fituar garën e tij të parë me skuderinë italiane, duke përfshirë në këtë paraqitje edhe "pole-position" dhe xhiron më të shpejtë të garës. Raikonen i ka paraprirë në finish dy makinave MekLaren të Fernando Alonsos dhe të debutuesit Ljuis Hamilton, "i thyer" nga shoku i skuadrës vetëm në ndalesën e dytë në bokse. Në vendin e katërt, garën e ka mbyllur Nik Haidfild me BMW, ndërkohë që, rezultati më i mirë i Renaultit në këtë garë ka qenë vendi i pestë, me Xhankarlo Fizikelën. Paraqitje e kënaqshme edhe për ferraristin tjetër, Felipe Masa, i cili pasi është nisur nga vendi i 16-të, ka arritur që në përfundim të garës të jetë i gjashti. Në zonën e pikëve kanë hyrë edhe Niko Rosberg dhe Ralf Shumaher.

Frika kryesore e Raikonen ka qenë pikërisht kthesa e parë. megjithatë, për të gjithçka ka rrjedhur vaj. Pasi ka mbajtur kryesimin në start, finlandezi nuk ka pasur më asnjë problem. Njëvendëshja e tij F2007 ka qenë perfekte, po aq efektive ka qenë edhe strategjia e përdorur në garë, që i ka lejuar të fitonte ato të dhjetat e sekondave, që janë thelbësore për të fituar Çmimin e Madh me qetësi pas dy "pit stop"-eve. Për të gjetur "defektin" e vetëm në paraqitjen e Kimit, duhej të vinte xhiro e 46-të, ku ai ka frenuar relativisht fortë në një shikan: asgjë për t‘u alarmuar, fitorja ishte nën kontroll. Me këtë fitore, 26-vjeçari nga Espo i ka lejuar vetes luksin që të hyjë në një klub prestigjioz, atë të pilotëve ferraristë që kanë triumfuar në debutim. Këtë arritje përpara tij e kishin realizuar vetëm Fanxho, Muzo, Bageti, Andreti e Mansel. Jo keq si fillim i erës post-Shumaher. "Fitorja që në garën e parë me Ferrarin është diçka fantastike. Makina ka qenë perfekte", ka deklaruar Raikonen, duke gëzuar triumfin. "Ka qenë një fundjavë fantastike, pasi gjithçka ka funksionuar ashtu si e kishim planifikuar: nuk kemi pasur një problem gjatë garës. Duhet ta pranoj se rikthimi te fitorja është një ndjesi shumë e bukur dhe për këtë dua të falënderoj skuadrën që ka qenë fantastike". Në fund të garës, një telefonatë e veçantë: "Mikael Shumaher më ka telefonuar në fund të garës, duke u komplimentuar me mua". MekLareni i përforcuar së tepërmi gjatë këtij viti nuk ka mundur të bëjë asgjë përballë supremacisë së finlandezit. Kampioni në fuqi, Alonso, ka vuajtur shumë për t‘u renditur përpara shokut të tij të skuadrës, Ljuis Hamilton. Anglezi i vogël ka qenë protagonist i një gare shumë të mirë, ku është detyruar të dorëzohet vetëm gjatë ndalesës së dytë në bokse, megjithatë, vendi i tretë në podium për të është një kënaqësi e veçantë.

[arensi]

Shumakeri ai gangsterri qe ka nja 7 kampionate, o ne pencion o per pall ariu deri ne 2014,fal agjentit te tij do perfitoj 5 miljon euro cdo vit nga sponsoret.

ahhhhhhhhhhhh jet o jet si mbret

[ERVINI]

Sot eshte zhvilluar gare e pare per kampionatin e 2008 ne australi.
Piloti i MC Larenit Hamilton ka triumfuar, i ndjekur nga Heidfeld {BMW} dhe Rosberg {Williams} nderkohe qe per here te pare mbas 11 vjetesh makinat ferrari kane dale te dyjan nga gara per defekt teknik

[Sary1987xx2a]

so nice..... wow power leveling (http://www.toppowerlevel.net),wow powerleveling (http://www.toppowerlevel.net),world of warcraft power leveling (http://www.toppowerlevel.net),world of warcraft powerleveling (http://www.toppowerlevel.net),wow gold (http://www.toppowerlevel.net/buy.php)