Bundesliga 1, lajme mix

[Franci]

Kryesuesit e Bundesligës do të presin sot Dortmundin me mundësinë për t'u ngjitur në + 9 ndaj Bajernit 10-11-2006

Verderi, tentativë për shkëputje

Udhëheqësit e Bundesligës, Verder Bremen, duhet të tregojnë se nuk kanë vetëm aftësitë, por edhe karakterin e duhur për t'u shpallur kampionë dhe shansi më i mirë për ta demonstruar këtë, është sfida ndaj Borusias së Dortmundit. Verderi ka nënvizuar statusin si favorit për titull kur fitoi jashtë fushe ndaj Nurenbergut, duke arritur deri në shtatë ndeshje radhazi pa u mundur. Ata duhet të përgatiten për ndeshjen ndaj Dortmundit, e teta ndeshje në katër javë. Nëse do të fitonin, Bremeni do ta zgjeronte nga dy në pesë pikë diferencën me vendin e dytë, të paktën përkohësisht, pasi asnjë nga rivalët nuk do të luajë para së shtunës. "Nuk shkëlqyem ndaj Nurenbergut, por duhet të dini se nuk jemi një grup magjistarësh, - tha drejtori teknik i Verderit, Klaus Alofs. - Duhet të punojmë si një grup i bashkuar. Nuk mund të luash me të njëjtin ritëm për 90 minuta. Është shumë e lodhshme, por gjithashtu mësohesh të karikohesh sa më shpejt". Dortmundi do të jetë një sfidë e vështirë. Borusia do të jetë një mur i fortë, por nëse ata duan të mundin Verderin, duhet të tregohen më të saktë para portës. Skuadra e Bert van Marvijk ka luajtur një ndeshje të mrekullueshme ndaj Ahenit, por nëse do të kishin treguar saktësi rezultati, nuk do të kishte mbetur i bardhë. Bajerni i Mynihut, kampion në fuqi prej dy vitesh, rrezikon të mbetet jashtë sfidës për titull, nëse nuk arrin të fitojë ndaj Bajerit të Leverkusenit të shtunën. Ndaj Hanoverit ata kanë pësuar humbjen e katërt për këtë sezon dhe kampionët edhe për një herë tjetër do të kenë mungesën e Lukas Podolskit, Luçios dhe Hargrivsit. Nëse Verderi fiton të premten, Bajerni do të jetë nëntë pikë larg kreut para fillimit të ndeshjes ndaj Bajerit të Leverkusenit. Ky do të jetë një test durimi për të besuarit e Magatit. Hanoveri do të kërkojë të realizojë një tjetër surprizë, pasi do të presë Shtutgartin e vendit të dytë të dielën. Shtutgarti ka arritur të mbajë diferencën e dy pikëve me kryesuesit e Verderit, pasi golat e Mario Gomezit i kanë dhënë fitoren 2-0 ndaj Hamburgut në moment krize.

[Romeo]

Shalke rrëmben kreun në kampionatin gjerman


Kampionati gjerman po bëhet gjithnjë dhe më interesant, pasi rivaliteti në krye të renditjes po bëhet edhe më i madh. Në ndeshjet e luajtura të shtunën spikati fitorja e Shalke 04, 4-2, në fushën e Energi Kotbusit, duke arritur 26 pikë. Ky kryesim erdhi dhe falë barazimit 2-2 të Verder Bremenit në fushën e Alemania Ahenit. Vendasit i vunë në vështirësi miqtë nga Bremeni, që arritën të fitojnë një pikë dhe mbajtën vendin e dytë. Shutgardi, kryesues deri para një jave humbi kundër Bajernit të Mynihut, në fushën e bavarezëve, që i barazuan në renditje, në kuotën e 24 pikëve. Herta e Berlinit mbetet në ndjekje, pasi fitoi në fushën e vështirë të Dortmundit 2-1. Ndër ndeshjet e luajtura veçohet edhe Nurenberg-Leverkusen që u mbyll 3-2, ndërsa Mainci me Hamburgun përfunduan 0-0 sfidën mes tyre. Të dielën do të luhen dy sfida interesante: Mynshegladbah-Hanover dhe Arminia-Volfsburg, me rëndësi për mesin e renditjes dhe fundin e tij.

[Franci]

Skuadra nga Bremeni kërkon fitoren që do t'i jepte titullin e dimrit. Sot, Bokum-Borusia çel javën 15-12-2006

Volfsburgu, pengesa e Verderit

Sporti Shqiptar


I vetmi ekip që mund të ndalë Verder Bremenin, makinerinë e golave, që të shpallet kampione e dimrit të dielën, është Volfsburgu. Në ndeshjet e fundit për 2006-n, Verderi që ka sulmin më të mirë në Gjermani, ndeshet me Volfsburgun që ka mbrojtjen më solide. Verderi deri tani është treguar ekip mjaft estetik, duke shënuar 45 gola në 16 ndeshje kampionati dhe duke grumbulluar 33 pikë. Ekipi nga Bremeni kryeson bashkë me Shalken që luan të shtunën në transfertë me Arminia Bielefeldin që renditet e gjashta. Shtutgarti, në vendin e tretë me 31 pikë, ka gjithashtu një shans për të kapur vendin e parë, pasi luan në fushën e Kotbusit, ndërsa Bajerni në vendin e katërt me 30 pikë nuk ka shpresa për kampione dimri, duke pasur parasysh diferencën e thellë në golaverash me Verderin. Volfsburgu, i drejtuar nga ish mbrojtësi i Bajernit, Klaus Augentaler, ka shënuar vetëm 11 gola në këtë sezon, por mbrojtja ka pësuar vetëm 14 gola, duke siguruar vendin e 12-të me 19 pikë. Ndoshta Volfsburgu nuk është ekip i bukur për t'u parë, por me portierin Simon Jentsh në formë të shkëlqyer, përveç gabimit që i dha golin e fitores Ahenit javën e kaluar, është një ekip tepër i vështirë për t'u mundur. "Bremeni është ekip i mirë, por ne s'kemi komplekse inferioriteti, - deklaron kapiteni Kevin Hofland. - Do të bëjmë gjithçka për të marrë të paktën një pikë". Synimi i Shalkes do të jetë shkëputja me tri pikë nga Verderi të shtunën mbrëma, por s'është detyrë e lehtë të mundësh Bielefeldin që ka trajnerin më të kërkuar në Bundesligë. Nën drejtimin e Tomas von Hesenit, Bielefeldi është ngjitur në vendin e gjashtë, me vetëm 4 humbje deri tani. Megjithatë, Shalke ka moralin e duhur për të rrëmbyer fitoren falë edhe fitores 3 1 kundër rivalëve të Borusias së Dortmundit, një ndeshje ku Shalke luajti shumë mirë dhe që shihet si pretendente serioze për titull. Shtutgarti bën pjesë në treshen e parë të rivalëve, por forma e tij nuk bind. Javën e kaluar morën një fitore të vështirë 1 0 kundër Bokumit, duke ruajtur pozitat në vendet e para. Tani kanë përballë Kotbusin që rrezikon rënien nga kategoria dhe mund të rezultojë një test rezistence për një skuadër që duket se po lodhet. Bajerni i ka mbyllur si kampion dimri të dyja sezonet e kaluara, ku fitoi edhe titullin. Këtë herë gjërat janë ndryshe, sidomos për faj të disa rezultateve të çuditshme, por nëse trajneri Feliks Magat ruan distancën e afërt me kreun me një fitore kundër Maincit të fundit të tabelës. Bavarezëve do t'u mungojë mesfushori Sebastian Daisler që pësoi tërheqje muskulare gjatë stërvitjes. Bundesliga e fillon fazën e dytë më 26 janar, me Dortmundin që pret në shtëpi Bajernin.

[Titi]

Shkatërrohet Verderi, triumfon Shalke

Driten Vishe


Shalke ka fituar 2-0 ndaj Hertës së Berlinit, duke përfituar nga humbja e thellë e Verder Bremenit në fushën e Shtutgartit. Hamburgu ka festuar fitoren e parë në shtëpi ndaj Borusias së Dortmundit me rezultatin 3-0. Mainzi nuk është ndalur kundër Kotbusit. Leverkuseni ka barazuar me Ajntrahtin, ndërsa Gladbahu me Ahenin janë ndarë në barazim pa gola. Të premten Hanoveri me Volfsburgun kanë barazuar 2-2. Verder Bremeni i vendit të dytë është turpëruar në "Gotlib-Daimler Shtadion", duke humbur 4-1 ndaj Shtutgartit që ka arritur të shkaktojë habi, duke e mbyllur pjesën e parë në avantazh të dy golave. Autori i golit të parë ka qenë Hilberti dhe vetëm 12 minuta më pas sulmuesi i përfaqësueses gjermane, Mario Gomez, ka dyfishuar për vendësit. Braziliani Diego ka ngushtuar rezultatin gjashtë minuta më pas. Pjesa e parë është mbyllur me rezultatin 3-1, ku Ludovik Manjin ka shtuar edhe një gol tjetër në listën e Shtutgartit në minutën e 33-të. Verderi ka treguar dobësi të mëdha në mbrojtje dhe pjesa e dytë nuk ka qenë frytdhënëse për nënkampionët e Gjermanisë. Nuk ka hezituar dhe Marko Shtreler për të vendosur firmën e tij në këtë fitore, duke vulosur fitoren në minutën e 86-të. Kjo ka qenë java e dytë ku Shalkja ka përfituar të shkëputet në majën e renditjes, pas javës së kaluar ku mundi Verderin në shtëpi. Edhe kësaj jave ata kanë fituar 2-0 ndaj kryeqytetasve të Hertës së Berlinit dhe janë shkëputur gjashtë pikë nga Verderi i vendit të dytë. Autorët e golave kanë qenë Kevin Kuranji dhe Piter Lovenkrands. Herta ka mbetur në vendin e pestë, duke mos arritur të fitojë ndonjë pikë të vlefshme për ngjitjen në zonën europiane. Leverkuseni dhe Frankfurti janë ndarë me nga një pikë në takimin e djeshëm. Hamburgu ka arritur fitoren e parë në shtëpi në këtë sezon. Ata janë përballur ndaj një Dortmundi me dhjetë lojtarë pas daljes me karton të kuq të Dedes. Verdheblutë nuk kanë qenë ndonjë rrezik i veçantë për të besuarit e Hub Stivensit, të cilët kanë hedhur hapin e parë për daljen nga kriza. Mainzi nuk ka ditur të ndalet përballë Kotbusit, duke fituar thellësisht me rezultatin 4-0. Të dyja skuadrat e filluan ndeshjen shumë të angazhuara. Ky ka qenë një rezultat që nuk duhet t'i ketë pëlqyer shumë trajnerit të Hamburgut, Stivens, i cili ka arritur fitoren e parë me skuadrën e re. Lojtari vendimtar i këtij takimi ka qenë egjiptiani Mohamed Zidan. Ai ka shënuar tre gola, duke i dhuruar fitoren e radhës Mainzit. Ndeshja e së premtes mes Hanoverit dhe Volfsburgut në "Nidersaksen Shtadion", derbi i takimit të asaj zone, ka përfunduar në shifra të barabarta 2-2. Pjesa e parë është mbyllur me avantazhin e miqve të Volfsburgut. Ndeshja ka pasur karakteristikat e një derbi të vërtetë, ku mund të veçohet numri i madh i kartonëve. Nuk ka mbetur pa u ndëshkuar edhe mesfushori i kombëtares shqiptare, Altin Lala.

[akaliptos]

Energie cottbus 2-1 Hertha
Ervin Skela shenon 2 golat per skuadren e cottbus ne minuten e 41-te dhe te 63-te

[topkemba]

I lumte! Mu boka qefi! Edhe pse nuk kom pas naiher simpati per te, gjithmone jom gzu kur ka ec mire, sepse per fanellen komtare ka tregu dashni perhere, edhe te bohet qefi kur ngjo shqiptaret qe ecin perpara.

[GOLDIAN]

edhe une shpreh urimet e mia per dopieten e skeles

[ERVINI]

Bravo Skeles, me beht qefi

[rai]

me pelqyen te dy golat sidomos i pari.....bravo` Skela

[rai]

edhe sot E.Skela shenoj nje gol te bukur me koke (jo tipik i tij) ndaj Duisburgut, ndeshje qe u fitua nga ekipi 1-0. Krosi erdhi nga e djathta e sulmit dhe ai beri nje goditje mjaft te sakte dhe te bukur me koke...
bravo Skela 3 gola ne 2 ndeshje e sidomos me ane te ketyre golave 6 pike te fituara te nderojne.

[GOLDIAN]

i lumte skeles

[topkemba]

Ku mundena me i pa 3golat e Skeles ne 2ndeshje?

Bundesliga e kishte shpalle per javen e kalume ke 11lojtaret mo te mire te javes per pozicionet qe mbajne e skela kishte qene mo i miri per mesfushor ofensiv.

Po ashtu gazeta delo sport kishte bo nji sondazh per 11lojtaret mo te mire te Evropes per javen e kalume dhe Skela qe nji prej atyne per pozicionin e vet dhe ishte i 3-ti.

Me bohet qefi, mar e mir e nigjofshim. I jone ul pordhet pranej osht duke ec mire.

[rai]

I jone ul pordhet pranej osht duke ec mire.

ashtu them dhe une lal por ketu i ke golat
ndaj duisburgut... http://101greatgoals.magnify.net/item/PV7JY5BWKL0R374G
dhe 2 golshi i kalum... http://101greatgoals.magnify.net/item/9569K8HQTZFCN78T